Nagmalampuson nga gisaulog ang pinakaunang “Rabies Awareness Month” sa BUENASCAR (Buenavista, Nasipit ug Carmen) niadtong March 23, 2010 nga gihimo sa NACES gym sa lungsod sa Nasipit, pinaagi sa inisyatibo sa Provincial Veterinarian’s Office ug  mga Municipal Agriculturist Officers sa maong mga munisipyo.

Highlight sa maong  kalihukan ang anti-rabies vaccination, dog castration and deworming, samtang adunay po’y poster making contest (elementary) and quiz bowl (high school).

Tuyo sa maong indigay ang pag-ila sa mga talento sa mga kabataan sa probinsya, pagsuta sa ilang kahibalo mahitungod sa rabis lakip na ang paghatag og libre’ng pagbakuna sa mga iro.

Ang mga nidaog sa maong indigay mao ang mosunod: Quiz Bowl – 1st Nasipit Integrated High School, 2nd-Buenavista National High School Team A, 3rd- Buenavista National High School Team B, ug 4th- Buenavista Integrated High School Team B; Poster Making.

“Nagpasalamat ako og dako sa tana’ng naglihok aron magmalampuson kini nga aktibidad hilabi na sa National Anti-Rabies Task Force sa ilang kooperasyon ug dedekasyon nga masumpo na ang rabis diri sa Agusan del Norte,” matod pa ni PVET chief, Dra. Belen Aruelo.(JOMellejor) 

Moretirong brgy official hayan makadawat og benepisyo

            Kun ma-aprubahan sa Senado, pwede nang makadawat og benepisyo ang  moretirong opisyal sa barangay.

Kini basi sa gisugyot nga House Bill No. 5906 sa Sanguniang Panlungsod sa Davao nga nagmando sa tanang barangay nga mugahin og pundo alang sa retirement benefits sa ilang mga opisyal.

            Matod pa sa proposed bill, singko porsento (5%) ang gimando sa mga barangay nga igahin alang sa maong benepisyo matag tuig gikan sa ilang Internal Revenue Allotment (IRA).

            Dako kini’g ikatabang sa pamilya sa hingtungdan panahon sa iyang pagbiya sa serbisyo. Ideya nga gisuportahan usab ni Bise Gobernador Enrico R. Corvera tungod kay matod pa, pamaagi kini sa gobyerno nga masuklian ang tanang paningkamot sa mga opisyales sa barangay nga mapalambo ang komunidad ug katawhan niini.

            Kini nga sentimyento gipaabot na ngadto sa Senado pinaagi sa Sangguniang Resolusyon No. 046-2010 nga gipangamahanan ni Bokal Raymundo M. Beluan, Jr..  (BFCeballos and JVDemain)