|
Gi-aprubahan sa Sangguniang Panlalawigan ang nagkalain-lai’ng mga resolusyon alang sa pagtugot sa pagbalhin ngadto sa mga barangay ning probinsiya ang hinabang pinansyal.
Ang mosunod mao ang mga hinabang pinansyal nga na-aprobahan alang sa lain-lai’ng barangay: 1. Barangay La Union, Cabadbaran – P20,000.00 (Improvement of PEC Barangay Hall) 2. Barangay Poblacion 1, Cabadbaran – P18,000.00 (Purchase of 1 unit air conditioner); 3. Barangay Calibunan, Cabadbaran – P20,000.00 – (Improvement of MDC Basketball Board) 4. Barangay Poblacion 3, Cabadbaran – P18,000.00 – (Purchase of one unit air conditioner); 5. Barangay Kauswagan, Cabadbaran – P40,000.00 (Rehab of water System level III); 6. Barangay I, Cabadbaran – P15,000.00 (Rehab of portable water system); 7. ug Barangay Del Pilar, Cabadbaran – P24,000.00 – (Purchase 1 unit computer for the National H.S). Ang pondo nga nahisgotan alang sa mga proyekto gikan sa Support to Legislative Programs and Projects sa Sangguniang Panlalawigan, CY 2009. Ang mga kadagkoan sa probinsya gikan sa Gobernador, Bise Gobernador ug mga Bokal dako ang panglantaw sa kaayohan sa katawhan sa Agusan del Norte, busa ang mga panginahanglan sa mga barangay gihatagan og pagtagad pinaagi sa paningkamot sa ilang mga punong barangay. Kini nga mga proyekto makahatag og kauswagan sa maong mga barangay busa ang mga sakop sa Sangguniang Panlalawigan wala magdumili sa pagpasa sa maong mga resolusyon. (CEPardillo) |
