|
Nagmalampuson ang pinakauna’ng “Agusan del Norte ‘Got Talent’ the PWD Edition” nga gihimo niadtong December 11, 2009 sa Capitol children’s park pinaagi sa initiative sa Provincial Social Welfare Population and Nutrition Services Office nga gipangunahan ni Ms. Gloria Pabillore.
Tumong sa maong kalihokan ang pag-ila sa talento sa mga persons with disabilities o PWDs sa probinsya aron pag-boost sa ilang morale.Gawas sa “Got Talent” contest nga pagpasundayag sa nagkalain-lai’ng talento sa mga PWDs, aduna usay lai’ng upat ka indigay sama sa table setting/skirting, manicure/pedicure, body massage ug singing contest diin nagpakita sa tinago’ng talento ang mga PWDs. Ang mga nidaog sa nagkalain-lai’ng indigay mao ang mosunod: Got Talent – 1st -Ambrosio Cabresos, 2nd-Geffy Solana, ug 3rd-Alexander Mendoza; Reflex & Massage – 1st -Teodulo Arreza, Jr., 2nd – Norma Isaga, 3rd-Rodelio Dayot; Singing Contest – 1st-Lyndsy Arbitrano, 2nd-Margarit Palen, Jr., 3rd-Geffy Solana; Table Setting/Skirting – 1st-Nheno Carlo Jude Ytem, 2nd-Emmanuel Dandoy; 3rd-Mary Fe Morre; Manicure/Pedicure – 1st-Roselyn Alaras, 2nd-Sherly Formentera, 3rd-Elane Agapay. Sa nahimong mensahe ni Bise Gobernador Enrico R. Corvera, iyang gidasig ang tanang PWDs sa paggamit ug paghasa pa sa ilang mga talento ug uban pa nilang kahanas (skill) aron mahimo pa silang mas kapuslan sa katilingban ug sa ilang pamilya mismo. Si TESDA Provincial Director Leo Velez nga maoy nahimo usab nga bisita misaad nga ang iyang buhatan maoy mamahimong sponsor ning maong kalihokan sa sunod nga tuig 2010.(JOMellejor) |
