Ubos sa SB Ordinance No. 010-2009 nga gipanginahan ni Magallanes SB Member Shielah R. Bacoy, ang mga benepisyo nga madawat sa mga barangay volunteer workers nga naglangkob sa mga barangay tanod, civilian volunteer organization (CVO), barangay nutrition scholars (BNS), barangay health workers (BHW) ug day care workers (DCW) mao ang  hospitalization assistance ug death assistance.         

Alang sa hospitalization, ang munisipyo muhatag kada adlaw og Usa ka gatos ug singkwenta (P150.00) pesos hangtod upat (4 days) ka adlaw nga pagkaospital samtang sa death assistance ang hingtunda’ng pamilya hatagan og tabang pinansyal nga Singko mil (P5,000.00) pesos.         

 Ang gikinahanglan lamang nga mga dokumento  aron makadawat og hospitalization assistance mao ang pagpakita sa medical certificate ug proof of appointment. Samtang death certificate usab alang sa death assistance.         

 Ang nasangpit nga ordinansa gi-aprobahan sa Sangguniang Panlalawigan sa hugot nga suporta ni Bokal Ernie M. Ceniza. (JVDemain)