Midaog na usab, sa ikaduhang higayon, ang Sanguniang Bayan sa Buenavista sa Local Legislative Award, Search for year 2009. Kini gipasiugdahan sa Department of Interior and Local Government (DILG) ug sa Philippine Councilors League (PCL).                                    

Mahinumdoman  nga sa unang bangga sa tuig 2006, ang SB sa Buenavista mao gihapon ang nahukman nga mananaog

Sa tibook Agusan del Norte, nakuha sa SB Buenavista ang unang dapit ubos sa kategoriya para sa mga 1st ngadto sa 3rd class towns.         

Ang resulta gibutyag ni DILG Provincial Director Clementino S. Pontillo. Matod pa sa mga contest evaluators, ang mga programa sa SB sa Buenavista sama sa Sesyon sa Kabarangayan, Kapihan sa Barangay, Bisi-bisita sa Baryo ni Bise Mayor Rambu, Free Legal Aid Mission, ug Buena Monitor maisip nga best practices for good governance.         

Nangandam na karon ang SB sa Buenavista para sa rehiyonal nga bangga.(Buena Monitor)